Apocalypsis B. Joannis*

Caput 22: Versus 1

Et ostendit.Postquam situm civitatis, dignitatem ejus, et muros et fundamenta ostendit, describit refectionem quam Deus civitati praebuit, et in praesenti, maxime in futuro. In praesentia Deitatis vel imitatione vitae Agni, qui proposuit nobis in se exemplum.Fluvium.Id est aquam fluentem, id est aeternam beatitudinem. In specie aquae notatur ablutio baptismi, qua ad istam beatitudinem pervenitur.De sede Dei.Id est de illis in quibus principaliter sedebit Deus, quia in illis maxime est, et per instructionem eorum minores coronabuntur.
(* Traductions européennes)